搜查線：單身無人陪？湊腳搵伴食住玩

愈來愈多人單身，甚至愛上單身生活。2011年人口普查數據顯示，香港約有40萬名獨居人士，即18個香港人中就有1個。一人生活雖然瀟灑，不過，潛在問題其實不少。同樣屬於單身貴族的梁倩兒，決定設立社企，為一眾單身人士，尋覓可以一同食飯、一同去旅行，甚至一同居住的朋友，解決一個人生活的難題。

梁倩兒(Carol)，乳癌康復者。大約5年前，梁被診斷患上乳癌。她發現生病時，一人生活其實並不容易，朋友扶持此刻顯得十分重要。「化療第4針嘅時候，行樓梯開始有困難。有另一個患者，18針都仲出街，我好奇問下佢，佢話有家人朋友扶佢。」當刻，梁明白即使一人生活平時有多自在，其實亦需要有個同屋主。

開設社企「一人生活設計室」，因為梁倩兒過往的一段經歷。梁曾設立「有房出租」，建立共享家居的平台。然而，港人戒心比較高，對與陌生人一同居住感憂慮。

有見及此，她今年9月設立「湊腳」，同樣針對一個人居住的群眾，希望大家有個照應。今次梁設計了3步曲，由「湊食飯腳」開始，之後到「旅行腳」及「住腳」，希望增加大家找到「住腳」的機會率。

「湊腳」主要靠Facebook收會員，亦要收取會費，現時約有50個會員，大多數為「湊食飯腳」，「湊旅行腳」約佔一半。 相信不少人會問，會不會被視為相睇活動？梁表示，「相親同我哋嘅目標唔一樣，住先係我哋終極目標而唔係結婚。」不過，她補充，「湊腳」只是一個平台，將會員聚在一起，如果會員的目標為結識異性，她不會阻止，只要有禮，你情我願。

「湊腳」的第一次旅行活動，就是到西貢深涌大草原。當日，有3個參加者、梁倩兒及一人生活設計室的服務發展經理陳惠姍。由西貢水浪窩步行入深涌大草原，大家沿途有講有笑，亦表示會再次參加。

究竟大家點解會參與「湊腳」? 已經參加數次「湊腳」活動的San就指，「Carol搞呢個機構時，我咁啱因為家居意外，放緊好長嘅病假，佢講過一啲嘢都幾有感覺，依家可以一個人住，如果老咗有意外，分分鐘無人知，可能多啲人知自己做緊乜都好。」San強調，「唔係話無朋友先參加」。身邊朋友生兒育女，可以一同遊玩的愈來愈少，然而San的假期多，識多一些朋友亦無妨。

至於第一次參加「湊腳」活動的Eric就表示，「我同意佢嘅理念，會食飯、去旅行，不過係唔係一齊住就好難講。我本身圈子好窄，想識多啲朋友。」另一位參加者兼義工領隊阿蒙笑言，沒有想過大家初次見面都可以這般融合。

活動尾聲，梁表示，「絕對唔可以話成功，但係一個好既開始」。成功建立關係後，下一步可以怎樣做，如何增加會員遇到志同道合的人，為梁的一大難題。「開心嘅，但我哋需要突破，我哋目標唔係一般一齊去行山，而係互相可以協助到生活。」

---------------------------------

想聽歌？想睇MTV？想了解本地Indie Band資訊，快啲click入「聲大夾樂」專頁：http://on.cc/musicon