前包山王冀買機械腳　黎志偉：想企起身

攀登名將、前包山王黎志偉，5年前遇車禍導致下半身癱瘓，早前他坐輪椅，憑雙手成功攀上獅子山獅頭後；他今晚(21日)在facebook貼文，希望買到機械腳可以企起身，需費200萬至300萬港元，有網民建議眾籌。有網民說：「黎志偉就係香港精神，令到很多香港人明白何謂真正的堅毅；如果有眾籌，我一定出錢出力。」

黎志偉在fb貼文稱：「2016還有幾日，會唔會真係可以兌現5年企起身的承諾呢？聖誕老人派生日同聖誕禮物畀我。」他指，不能透過自己康復，就惟有靠機械腳，他近年不斷向日本、美國、英國、德國打聽消息。自從成功攀上獅子山後，收到「意想不到的驚喜」，指其創舉已傳到外國，多個外國傳媒採訪及報道後，早前收到一封電郵，有廠商願意出售一套機械腳給他。

黎志偉坦言「想要好耐㗎啦」，他透露飛機票、住宿三個月上訓練課程、面見物理治療師及骨科醫生，打針、試企、試行、上落樓梯等費用，約需200萬至300萬港元，他正想辦法籌措。他指，記者成日問他下個目標是甚麼，其實很最簡單，就是「企起身行幾步」。

網友紛紛留言支持，有人稱：「開始眾籌立刻幫你傳播，200萬應該無問題嘅」、「支持你呀！我都願意捐助你！我都好想見到你企起身」、「支持眾籌，之後去多啲學校講多啲講座，鼓勵年青人，回報社會」。