伊院婦產科半年3宗致命事故　市民稱離譜

伊利沙伯醫院婦產科多年來是公務員的產子首選，惟過去半年最少3宗婦產科催生後不治個案。其中一名26歲女警產婦的事後調查報告，揭發醫護人員連環失誤，將少量胎盤遺留產婦體內，令病人子官大量出血，又未發現病人早期休克，病人最終因多重器官衰竭。有市民表示擔心情況，指日後選擇婦產科時，會受事故影響，考慮選擇其他醫院。

到伊利沙伯醫院急症室求診的21歲李小姐稱有留意相關新聞：「(覺得事件)係有啲離譜，因為始終生BB、尤其產後出血嘅情況，一定要好小心處理。以後揀婦產科會受今次事件影響，因為醫護人員處理不當。始終生BB喺開心事，唔應該有啲咩意外。」

另一位到伊利沙伯醫院急症室求診、本身從事酒店業的25歲陳小姐稱:「有啲驚，醫護人員失誤好多時影響病人，仲要喺(胎盤)留咗喺入面，可能都唔會選擇呢間醫院。(婦產科)會揀私家醫院，私家服務好啲，婦產科當然喺揀好啲。(以上失誤)一定喺政府醫護人員壓力大多嘢做，好明顯醫護人員唔夠人手，如果唔喺唔會出現咁多失誤情況，可能精神壓力大、唔夠休息時間。」

市民龐太一家四口到醫院參與聖誕活動，她兩位今年分別3歲和1歲的小朋友，均在伊利沙伯醫院出生，她滿意該院的婦產科服務，指事件可能發生屬不幸，「成個生產過程我都覺得足夠，我覺得醫生都喺專業，(以上事故)可能喺不幸。呢個醫院聯網，婦產科一係呢間，一係廣華醫院，但我都係對呢度有信心啲...小朋友出生後橫隔膜穿窿，都係來呢度處理，喺度出世、喺度處理，覺得成個backup(支援)都Okay(幾好)。」