網民熱話：瘋搶廿蚊無墨水打印機 真係抵？
20170110
東網電視
更多新聞短片
網民以20及50港元轉售無墨水的全新打印機，吸引不少網民預約取貨。(二手傢俬/二手電器專區(香港)fb)
咁大隻蛤乸隨街跳？20蚊一部名牌全新多功能相片打印機，連掃描功能和影印功能的打印機亦只不過50蚊，更是行貨包一年保養。有網民今早在社交網站「二手傢俬/二手電器專區(香港)」留言，平價出售兩款全新(不含墨盒）打印機，講明取貨時才開箱取出墨盒，其他配件連主機原封轉售，短短一小時已吸引近200名網民蜂擁留名搶購，完全反映香港人唔執輸心態。另買墨水原來要245港元，貴過部機！
睇真啲，賣方講明打印機全新，但不包含墨盒，開箱後會取出墨盒，所以當二手貨轉售。但精明網民就指出，全新機222港元連原裝墨水，但現在售價50港元，如果自己再另買原裝墨水就再多付245港元，即共295港元，仲要行兩轉，認為賣方「目的只係要墨水，唔要部機，變咗你哋係收垃圾，仲要自己另畀墨水錢，貴過買有墨水新機」。
有網民續留言，勿以為售價100港元以下的打印機「好抵買」，指較貴的是墨水，又認為賣方節省了運輸費，又有錢收。亦有網民指出，如淨買墨水要280港元，但一部全新機連墨水都只不過220港元，只買機殼不划算。不過，有需要掃描機的女網民直言，就算唔連墨盒，當掃描機都抵。
該打印機品牌的官方網頁顯示，兩款打印機建議零售價為258港元及298港元。巿場買賣，賣方講明無墨盒，無欺騙買方，消費者自行決定是否接受無墨盒的打印機，大家各取所需，其實無話邊個啱唔啱。
網民有話說
Will Yip Wai：買墨仲貴過你而(依)家咁樣分開買，全新機都係$220，而(依)家咁樣單買$50，再買墨水就要再加$245，姐係$295，仲要走兩轉入到大埔咁遠
Ray Li：去買剩墨水都要280左右,一部全新年(連)墨水都係220
Manda Ho：就算唔連墨盒，當scanner(掃描機)都抵，因為我真係想要部scanner,不過地點就....
Jonathan Chong：墨水貴過機加墨水
※緊貼網民熱話，掌握最熱話題，請關注網民熱話fb：