政Whats噏：求婚成功　楊岳橋預告未必生仔

立法會議員兼公民黨黨魁楊岳橋(Alvin)日前被爆求婚成功，未婚妻「陳小姐(Eve)」更首次曝光，唔少少女粉絲都為之心碎。東網記者發現，Alvin仲隱藏住一個重大秘密，原來他未來外父或外母其中一個係退休警察，政見咁唔同會唔會日日家嘈屋閉㗎？

Alvin日前被爆成功向拍拖4年的女友求婚，據知，未婚妻姓陳，英文名係Eve，本身係一名事務律師。Alvin接受查詢時就承認，未來外父或外母其中一個係退休警察，但就否認因為未婚妻家庭背景而神神秘秘，反而係因為私人事而唔想對外公開。

講到未來外父、外母政見或者背景，Alvin就不願多談，話唔好騷擾老人家喇，不過提到未婚妻他就滔滔不絕，話Eve「爽朗、聰明、有主見」，好處多到講唔完。他指，雖然已經求婚，但未定婚期，一有消息會通知大家，又話就算結婚都未必會生仔咁話。點都好喇，恭喜晒！

※更多政經猛料、秘聞，請關注政Whats噏fb：