國產高鐵駕駛室首曝光　網民唔like驚爆炸

外貌遭網民鬧爆「好樣衰」的首架國產廣深港高鐵列車，其駕駛室今日曝光！港鐵在官方facebook專頁貼文及貼圖，360度展示駕駛室內貌，可見內壁以白色為主，配以一張黑色司機皮椅，黑色控制台設有數個屏幕，除車頭玻璃外，兩旁另有4扇窗。

貼文又提到，第二架列車已經抵達香港，之後會在石崗列車停放處組裝，再進行多項測試。其餘高鐵列車，稍後亦會陸續到港。

一眾網民似乎都唔係咁like國產高鐵列車，有人留言謔稱「返到大陸，白色車身都會變黑」，有網民更疑對國貨無信心，稱「會唔會爆炸」；亦有人就關注票價，指「又等加價」。