網民熱話：水機「滴滴仔」 飲啖水要舌吻？
20170207
東網電視
更多新聞短片
有網民發現部分大埔的公園飲水機難以按得出水。(Tai Po 大埔 fb)
不少公園及運動場都安裝了飲水機，讓市民在運動過後，舒暢地飲一口涼水；正常飲水機應是水柱向上噴的，但有網民指在大埔的公園，全部飲水機的水流極小，尤如「滴滴仔」，由出水處一滴一滴般出水。網民均留言指，不少公園的水機都有此情況，更笑言「屙尿都大過佢」，要求當局盡快跟進。
在「Tai Po 大埔」的Facebook群組，網民Raoson Cheung昨晚發帖，指大埔附近的公園如元洲仔、海濱公園、火車站網球場等，全部飲水機的水流均細到飲唔到，他更直言「唔想俾人用不如熄咗佢啦」。從網民貼出的相片可見飲水機的水流細得可憐，即使再用力按，飲水機都好像「愛理不理」，慢慢滴啲水出來；若真的想飲用，應該要將嘴巴緊貼飲水機，但屆時相信不是飲水而是「舌吻飲水機」了。
不少網民見到此圖後都表示「感同身受」，更指曾因水機水流問題而找公園經理，但並無改善。更有網民指，是特地將水流調校，以免附近的「汽水機」少了生意；又有人指，或許太多人用飲水機洗腳，因而特地將水流調校。
網民有話說
Louis Keung:「早排就水機全部壞哂(晒)。可能唔想再維修，較(校)到無水出，咁咪唔洗(使)做囉！」
Shafeda Jan:「好多時的水機都壞，尤其係海濱公園，經常有幾部都唔得，找公園經理都無用。」
Chiu Cheung:「這是專登較(校)的，有飲水機啲汽水機少好多生意。」
Bryan Yip:「可能係filter 塞晒，出唔到水。」
Jerry Fung:「呵(屙)尿都大力過佢。」
Pepe Fong :「政府要你用舌頭，查實係咪太多人用來洗腳所以咁做。」
※緊貼網民熱話，掌握最熱話題，請關注網民熱話fb：