網民熱話：跳橋？情侶九龍灣天橋朝聖影相

為了影一張靚相，相信不少年輕一族都會去到好盡，不惜攀山涉水，走入坊間推介的「秘境」喪拍狂影。不過以下人士做法就太危險了，完全不建議仿傚！facebook專頁「生於亂世」近日發貼，表示剛過去的周四，有人在九龍灣偉業街拍攝到一對年輕情侶爬上行人天橋頂部，初頭以為有人想跳橋輕生，馬上衝前了解，後來發現他們在自拍，才安心離開。但他們的行為確實危險，奉勸大家珍惜生命，「咪搵條命仔去博張相。」

從專頁上傳的數張照片可見，至少有兩男兩女，其中一對被指是情侶，他們爬上偉業街行人天橋橋頂，男方持攝影器材為女方拍攝，並走到橋頂不同位置拍照和欣賞照片效果。

大批網民都批評相中人行為過分、腦殘，而且極為危險。有網民指不時都有人因誤會而報警，驚動警方後，才知悉原來橋上的人只是在朝聖拍照，直言很無奈，另有人謂不明白天橋為何這麼為歡迎，如同旅遊景點。

據了解，位於九龍灣工業區附近的偉業街行人天橋，是電影《志明與春嬌》和歌手謝安琪歌典《鍾無艷》MV的拍攝地點。其長長彎彎、藍白色調，宛如飛機窗外色的設計，加上人流稀少的環境，一直吸引不少市民，尤其是年輕一輩前來朝聖拍攝。

網民有話說

Misaki Tsui：唔係愈出位愈型 可以係更加7。

Jake Chung：日日返工都經過見好多人去影相，我又唔覺得嗰度特別靚（如果我去其他國家旅行唔覺意經過類似咁嘅嘢，我先會逗留影幾張相，而唔會特登走去影）

Dong Yung Jet：少年輕狂

Cho Chi Shing：只係條橋嘅partten（圖案）好少見，同埋⋯文青效應

※緊貼網民熱話，掌握最熱話題，請關注網民熱話fb：