每日一片：港女沖繩自駕歷險　4日炒足3次

香港人愛遊日本，近年更愛自駕旅遊，惟不少「雪藏牌」司機卻輕視自駕危機。近日有日本租車公司港人職員上載一段港女沖繩自駕驚險故事，詳述一名港女司機在4日行程中，竟撞車3次，而且「一次比一次大鑊」，最後將車剷落山坡草叢告終。

該名自稱「為咗個日本妹流浪沖繩」的網民，聲稱在當地一間租車公司工作。平日經常見到大小意外。不過近日一宗港女租車事件卻令他抹一額汗。上星期一個早上，該名女子到公司租車，準備到機場接載其餘3名由台灣前來的女友人到酒店。當該名港女離開不久，他已經接到對方電話，表示在機場泊位時「撞柱」，刮花車門、泵把等。由於該車機件運作正常，公司為免對方「再刮花另一部」，故此讓她繼續租用同一部車。

豈料翌日公司又收到該港女電話，這次她表示撞到另一間租車公司車輛，幸最後和解收場。

該網民稱，由於對方只是4日行程，估計「撞2次乜都夠啦！」豈料第3日再收到對方電話，這次對方指她們一行4名女子在行車途中，將部車剷落下坡，雖然人冇事，但公司已大為緊張，替其報警及叫救護車，而身為香港人的他更到現場幫手及了解意外原因。

「原來佢開車嗰陣導航提示佢前方靠左上高速，佢以為叫佢前方轉左。本來行錯路都唔係咩大問題，但問題係個女仔駕駛經驗完全不足，再加上其餘三個女仔一個墟，妳一言佢一句下，令到轉個90度灣直踩，無收油情況之下直接碌左落斜坡...。」由車Cam拍得的片段顯示，車輛幾乎在無煞車情況下，直衝下山坡草叢中。

最後租車公司召來吊臂車將車拖車，搞足5小時。該名網友除了奉勸港人外出旅遊時，留意當地交通狀況，另外買足保險亦十分重要，否則「巨臂車同拖車嘅費用夠佢去多兩次沖繩。」