嫩噏：文科理科點樣揀　跟住興趣實無錯？

文科經常被標籤作「搵唔到食，養唔到家」，理科就是為讀「神科」而鋪路。文理商邊科出路好，絕對可以稱上世代之爭。近日網上就有位聲稱讀女校的理科生發表一篇「認為讀文科好無謂」的文章，當中批評歷史及文學流於片面，質疑文學賞析是否可以「餵飽一個人、養活一頭家」，結果引起大批文科學生反撃。東網記者就出走各區，訪問中學生們如何看待這場文理之爭。

「無論讀咩科都可以發揮所長，唔係指明讀邊科就有用。」就讀中四的練同學認為行行出狀元，指有朋友就讀生物工程，但畢業卻找不到工作，她認為這正正就代表了文理科並不是關鍵，要看個人經驗與學識水平。中三的張同學就覺得現在文理科定位模糊，理科一樣可以投考其他工作，文科同樣能做護士，所以差別不大，最重要是興趣。

身為文科生當然會捍衛自己的選科，但理科生一樣「唔buy」這套說法。中六的歐同學選修理科，但說到這場文理之爭，她就認為文科有自己的價值。「如果修讀文科好輸蝕，但你讀緊嘅嘢全部係老師教，例如中文，呢啲都係文科範圍。」她有點氣憤指「無人讀文科就無老師，就唔會有人教書。」

成年人認為揀科主要為將來「搵食」，但學生就認為揀科要以興趣為先。中五的林同學表示：「有興趣先可以捱落去。」他舉例如果為「搵食」或是家人期望而選擇理科，但自己其實對文科有較大興趣，這只會是一個惡性循環。「因為揀理科，將來嘅工作自然與理科相關，不過自己對理科無興趣就會覺得好乏味。」他覺得最理想是自己開心又搵到食，相信這是大部分學生的心聲。其實文理科各有自己優勝之處，要選修哪科要考慮的應是自己的興趣及能力，而非為讀而讀。