每日一片：女子被指鬼上身　網友疑濫藥

網上近日流傳一條短片，片中一名長髮女子被指鬼上身，聲線低沉如男人，不斷要求長髮女家人准許長髮女落黃泉陪伴左右，又指長髮女欠他一條命。家人在法師陪同下拒絕有關要求，反建議以冥婚替代。網友睇片後，懷疑有人濫藥，或是精神出現問題，才出現鬼上身情況。

短片於一間佛舍拍攝，當時長髮女坐在椅上，不停大力擰頭，晃動上半身身子，發出低沉聲音，「我要佢落去陪我！佢欠我！佢欠我條命！佢應承過陪我！」之後長髮女情緒激動，站起身咆哮，一名似是法師的女子則拿着一把鐵劍，要長髮女坐低，「釋迦牟尼喺度你夠膽發威？」長髮女之後坐低，一度撥弄頭髮整理儀容。

女法師反建議，會做個神主牌給靈體，或做場冥婚法事替代，待長髮女壽終，靈體即可與她長相廝守，但長髮女反對，「我要佢落去陪我！我等咗好耐。」此時長髮女母親出聲：「你有無問過我？要我個女落去陪你？你要斟茶比我，你有無問過我？我生佢出嚟，你憑咩攞佢？」短片到此作結。網友睇片後，並不相信有人鬼上身，反懷疑有人濫藥，以致精神錯亂，或是本身有情緒問題，「鬼上身仲識撥頭髮？真係笑咗囉。」