網民熱話：失銀包7年尋獲 網民笑入咗蟲洞
20170513
東網電視
更多新聞短片
有網民在facebook公開與舊銀包重遇的經過。(網民Kalas Chan fb)
人生有幾多個7年？如果7年前失去嘅嘢，今日重新出現喺你面前，你會點面對？近日有網民在facebook群組分享與「前度」重遇的經過，指自己7年前在粉嶺中心唔見咗銀包，昨日突然接到一通電話，稱有人在大埔政府合署女廁拾獲其銀包，請他前往領取，樓主懷着既驚喜又緊張的心情，重遇前度，網民均嘖嘖稱奇，有網民對於銀包在被偷去的那7年做過甚麼非常感興趣，有人更笑銀包可能入咗蟲洞。
網民Kalas Chan昨午1時許在facebook「大埔 Tai Po」群組內發貼，稱自己於2010年4月遺失銀包並到警署報案，及補領身份證，而昨早卻接到大埔政府合署職員電話，稱按銀包內的卡片聯絡他，指有市民在該署女廁內拾獲其銀包，請他前往認領，他於昨午5時半前往領取，其後留言稱，等待時儼如在產房外等女兒出生一樣，又慨嘆自己已忘記舊銀包的模樣，當他取回銀包時，發現只有現金和八達通不見了，其他卡及身份證依舊在銀包內。
不少網民留言指可能是騙案，同時又很期待樓主是否可以領回舊銀包，着樓主找朋友陪同前往領回，樓主則囑大家放心，會帶定士巴拿及膠袋；又有網民代入舊銀包，反問樓主為何要掉低它7年，又有人懷疑是有女士傾慕樓主特意取去銀包；有認真的網民卻直言，或是有人偷去銀包，假扮樓主搵工，甚至向財務公司借貸，籲要小心處理。
網民有話說
吳少華：如無意外入面有張紙仔：江湖救急，他日必將銀包歸還
Connie Tsang：個銀包入左(咗)蟲洞，去左(咗)時間旅行
陳展立：7年嘅重遇。。。個銀包喺出面風風雨雨，修練過食過夜粥，應該成精。。銀包精
Corrina Chiu：係(喺)一條濕滑既(嘅)行人路，一個不小心既(嘅)樓主，我就不小心地被陌生人偷走了我的7年
Dirt Rider Ivan：咁耐無見，今晚要好好攬住佢瞓一覺啦
※緊貼網民熱話，掌握最熱話題，請關注網民熱話fb：