網民熱話:深水灣泳客遭惡魚噬腳 傷口留齒

20170612
東網電視
更多新聞短片
有網民的朋友,前日在深水灣游出防鯊網遭魚咬傷,血肉模糊的腳背照可見傷勢嚴重。(「香港行山遠足之友(聊天吹水專區)」)

「睇到都痛」究竟有多痛?深水灣前日有泳客疑在防鯊網附近遭惡魚襲擊,右腳瞬間血肉模糊,呈U字型的傷口佔去半隻腳背面積,全長大約4吋、傷口最闊處有近1吋,動脈、神經線及韌帶俱斷。一眾網民都推測是鯊魚或海狼等惡魚所為,又指欺山莫欺水,提醒靠近防鯊網、甚至離開防鯊網暢泳「同行入非洲草原無分別!」

有網民昨晚(11日)在Facebook「香港行山遠足之友(聊天吹水專區)」專頁指,有朋友於深水灣游出防鯊網遭魚咬傷,血肉模糊的腳背照可見傷勢嚴重、皮下組織外露。其他網民都紛紛回應「睇到都痛!」又開始推測是鯊魚、海狼或油錐所為,有人則憶述多年前,深水灣曾發生泳客遭海狼攻擊。但有人則不同意,「就咁睇真係一啲都唔似咬傷」,又指若然是鯊魚所傷應該「唔會咬得咁少」,甚至「連腳都冇埋!」亦有網民提出可能是遭魔鬼魚尾刺傷。

自稱同行友人的Dennis Fok則現身說法,指事發時與事主於橙色浮波位置聊天,「突然當事人話畀嘢咬,我就見到成個浮波附近都係血,就大叫救生員協助!」他稱當時兩人並沒有離開防鯊網,最終由救生員用艇接載上岸,經手術後已經接駁好動脈、神經線及韌帶,之後還要安排植皮,「醫生發現一粒類似牙嘅物體喺傷口入面,仲化驗緊有冇毒,不過腳板底就冇事。」

Dennis形容自己「好好彩,不過都好難接受!」其他網民則提醒在泳灘游泳,無論游近浮波抑或離開防鯊網都是危險行為,「同啲人去非洲坐觀賞車睇獅子,自己落車畀獅子咬一樣。你唔係諗住隻獅子識分人係唔咬得啊!」有人則溫馨提示傷者「戒口,小心傷口感染!」

康文署表示,負責保養及維修防鯊網的承辦商於上周五(9日)在上述地點進行了定期檢查,確定防鯊網操作正常,今早再到該處覆檢防鯊網及進行聲納探測,亦顯示沒有任何破損,而防鯊網水域內亦沒有發現大型魚類的蹤影。

網民有話說:

Wong Iris:睇見都痛,保重啊!

Roy Hsieh:所以在海中游係危險的,水性幾好都無用

X-Wing Chuen:如果係鯊鱼,隻腳就冇了

Hugo Yuen:仲以為影相特效。祝你朋友盡早恢復。

鍾維洲:一直都話欺山莫欺水(其實山都吾應該欺)...出咗事吾(唔)知怪邉個

Iren Kam:如果隻腳在防鯊網內點解會有魚咬到?唔通個網個洞太大?

※緊貼網民熱話,掌握最熱話題,請關注網民熱話fb:
http://on.fb.me/1L3m1ro