政Whats噏︰民記老化 靠兩位小花呃Like

20170623
東網電視
更多新聞短片
青年民建聯新任副秘書長為賴嘉汶(左)及植潔鈴(右),兩人的外貌吸睛引來關注。(陳嘉裕攝)
青年民建聯(青民)6月頭就選出新任委員會成員,未見其人,佢哋已經率先透過Facebook介紹自己。其中兩個新任副秘書長,現年29歲的植潔鈴(Elaine)同現年25歲的賴嘉汶(Apple)外貌上就最為吸睛,引來唔少關注。主席顏汶羽就透露,兩位小花吸Like強勁,又話為青民人數可以有更佳的增長,考慮由兩位小花做發言人。
顏汶羽話,一直有留意唔同成員Facebook介紹入面的Like數以及可接觸人數。目前最多人click入去的是Apple的貼文,接觸超過4100人次,至於第二位的Elaine都有超過3000人次,比較顏汶羽自己只有不足1000人次,佢完全睇到靚女的威力。顏汶羽話,一直有考慮設立青民發言人,若然真係咁受歡迎就不如由兩位小花出任。
Elaine同Apple目前分別服務屯門區同埋小西灣區,政策方面Elaine主要負責家庭同婦女事務,而Apple就會關注福利同兒童事務。講到做青民生招牌,兩個人都顯得尷尷尬尬,不過有成員就大爆Elaine目前單身,或者加入青民可以更容易親近女神咁話。
※更多政經猛料、秘聞,請關注政Whats噏fb: