天文台掛8號波 網民鬧爆:有史以來最快

20170723
東網電視
更多新聞短片
天文台在早上9時20分改掛8號風球,有網民嘲諷有史以來掛最快。
「今日星期日話掛就掛,平時幾嚴重都係三號」,「星期日無股票,天文台唔使驚話掛就掛」。點解天文台掛8號波都畀市民鬧爆?有網民根據天文台掛風球「往績」,質疑今日(23日)是非上班日,所以就行動迅速地宣布掛8號風球。
天文台宣布改掛8號風球後,網民留言快過「洛克」登陸香港,在社交媒體Facebook有不少人都嘲諷天文台「好勤力」。其中網民Ivy Leung就在「Tai Po大埔」群組說:「星期日,天文台終於可以自己話事啦,掛八號風球有史以來掛最快。」
同一群組亦有網民緊接「出Post」指摘天文台:「天文台有無天文知識我唔知,有無常識我知。9點20分掛八號風球,10點登錄,如果佢覺得登錄影響係嚴重嘅,咁係咪早兩三四個鐘前掛呀,定係佢覺得登錄後兩三個鐘後會有大風呀?」
有網民亦留言回應指,因為星期日不用上班,無股票市場,所以才會宣布掛8號。
網民有話說:
Monica Monica Cha:天文台最叻唔係預測天氣,係玩嘢。
Stephen Leung:落狗屎大水浸就黃雨,星期日就極速掛八號,天文台好嘢。
Mack Chan:天文台又一次完美演繹閒日同假日嘅雙重標準。