點蚊香瞓覺五人中毒　專家教路咁做先安全

點蚊香睡覺都會中毒？夏天蚊患嚴重，不少人都會點燃蚊香驅蚊。雖然市面的蚊香聲稱能釋出各種芬芳氣味，但點著蚊香入夢，到底對人體有無害？

近日，內地一戶五口人家，點上20個蚊香後開冷氣睡覺，早上起床卻發現身體不適，懷疑全家中毒，引起網民討論。香港蟲害控制從業員協會會長梁廣源表示，無論是點燃用的固體蚊香，還是電子蚊香，都會釋放一種名為除蟲菊酯的殺蟲劑。當蚊香使用時，會釋放成千上萬的微粒，驅走甚至殺死蚊隻。

他續指，除蟲菊酯雖然是從某種菊花提煉出的合成物，但對人體仍有潛在風險，「除蟲菊酯顧名思義，是一種花粉嚟嘅，噴出嚟嘅煙，有機會令人流鼻水打噴嚏，皮膚敏感者有機會引致皮膚痕癢，甚至癲癇症患者吸入蚊香後，可能會抽筋引發併發症。」

梁廣源提醒市民，使用蚊香時如有人留於室內，謹記保留少許通風口，讓鮮風吹入，但不需大開窗戶，因大風會吹走蚊香的懸浮粒子，令驅蚊功效大減。他建議市民選購蚊香時，可留意商品上的註冊標籤，避免使用不符合標準的產品。

---------------

《港呢啲》：大事小事騎呢事，東網電視嚴謹選題，輕鬆製作！請關注港呢啲fb：https://goo.gl/My2tMC