政Whats噏:沈祖堯在太太身邊都互傳短訊

20170808
東網電視
更多新聞短片
沈祖堯(右)借中大一年一度整月餅講「寂寞」。(中大提供)

科技太方便,有時都會令到日常社交生活出現奇怪現象,有時與家人同枱食飯,都會互傳短訊。就連中大校長沈祖堯都遇到類似嘅情況,佢話,自己有時夜晚睇手機時,竟然發現喺隔離嘅太太傳短訊畀佢。

中秋臨近,正所謂人月兩團圓,沈祖堯就借中大一年一度整月餅講「寂寞」,佢話,有時就算好多人喺身邊,都會有一種寂寞嘅感覺,依家好多人對住手機多過對住人,大家都係喺寂寞嘅互聯網空間。

佢認為,會唔會寂寞,其實係好視乎點樣利用同家人及朋友嘅時間,亦都視乎生活態度。講到中秋,沈祖堯就話,大家可以分享月餅,而分享的確係好事,每個人好多時都會喺心入面收埋好多嘢、屈埋好多嘢,只要將呢啲事好似呼吸咁噴出嚟,心情都會好啲。