對於電單車主來說，每逢打風，最怕的可能不是開車，而是泊車。愛驅泊在路邊，一旦抵受不住強風而跌低，隨時成車花晒！

網上多個駕駛群組，紛紛轉發電單車瞓低的消息，有人更拍得電單車全排跌低「車疊車」的畫面。而在留言一欄，有車主無奈表示：「見到我架車跌左」，欲哭無淚；有人歎謂：「打完風應該好多師兄要整車了」。

以為泊在室內一定穩陣？未必！有人發現，泊在某有蓋停車場的電單車，一樣被強風吹跌。到底電單車點泊先安全？

任教電單車保養檢修知識班的導師陳啟誠表示，許多車主以為泊車「落大架」最為穩妥，其實未必。他建議車主在打風時泊車只落側架，讓電單車的重心降低，並且要鎖軚。棍波車還應該以一波停泊，以確保車輪鎖死，不致前後移動。

他還提醒，打風泊車切勿「落車冚」，因車冚容易遭強風吹起，變相連累電單車食風瞓低。各位車主，記住留意喇！

---------------

《港呢啲》：大事小事騎呢事，東網電視嚴謹選題，輕鬆製作！