搜查線：幻燈片藏昔日香港 燈迷獨愛舊影像
20170829
東網電視
更多新聞短片
一張幻燈片，足以令Lawrence看半日。
90後的年輕人，看過幻燈片機會可能絕無僅有。今時今日，大部分人對拍照概念只是手機、數碼相機，動一動手指就能做到的事，海量的影像儲存在電腦。但有一位80後收藏家 Lawrence，就鍾情幻燈片的味道，喜歡手上拿着一張張舊香港的幻燈片，又或以拍攝幻燈片，為香港記下轉變。
很多人會問幻燈片是甚麼、跟菲林有何不同？Lawrence解釋，相機菲林底片分為正片、負片，一般菲林相機是負片，底片的顏色跟肉眼所看是相反，要沖曬到相紙才會看到真實顏色，成本較低廉適宜作大量記錄。幻燈片則為正片，其顏色跟實物一樣，但拍攝步驟比負片繁複，曝光不宜過度，「兩片都可以影得好仔細，但我鍾意正片嘅顏色、味道，再用放大鏡睇就會好靚。」
昔日旅遊不普及，有人會用幻燈片拍攝當地景色，如明信片般當紀念品出售。「以前印刷技術唔好，就算用放大鏡睇明信片都唔夠清晰，根本睇唔清楚景物！」故此影像更細緻的幻燈片就受到歡迎。
一盒的投影片，有16張比掌心更細的幻燈片，把片放入小型的觀賞器，景物就會清晰呈現眼前、或把幻燈片放在燈箱再用上放大鏡，「可以睇到相入面啲舖頭、招牌啲字，甚至電話號碼都睇得好清楚。」
「如果搵到張好靚嘅相，我會好開心睇足半日，如果同朋友一齊研究，成晚嘅飯局都係講緊呢樣嘢！」在數碼化的年代，用數碼相機按掣就能影相，打印技術便捷，甚至可做後期製作，但Lawerence 會堅持帶相機及裝備，用幻燈片拍攝香港街道。
「數碼相可以儲存去硬碟機，好方便，但影完有幾多張相會攞出嚟慢慢睇？」電子產品、儲存裝置的壽命有限，如有損毀，獨一無二的影像就會「消失」。相反，不少5、60年代的幻燈片到今天都完好保存，就是其可貴之處。
舊日的幻燈片讓Lawerence更了解自己成長的香港，他想用自己拍攝的幻燈片向下一代介紹今天的香港。從拍攝幻燈片的過程，發現香港變得很快，試過上月影過的景物，下個月再去已經拆掉。他慨嘆在香港生活，大家很忙碌，忽略周圍環境轉變，「人嘅記憶力真係好有限，盡自己能力影低一啲眼前嘅野，如果唔係斷層嘅話，歷史價值冇咗就好可惜。」
－－－－－－－－－－－－－－
《魔法軍團Z》創新自由組裝機械人大戰！
日系機甲戰棋手機遊戲《魔法軍團Z》好評配信中！