你要知：飲幾多水有數計 每日8杯係定律？
20170902
東網電視
更多新聞短片
夏天長期於戶外逗留的人士及做運動，應補充足夠水分，但飲多少，不能一概而論。
人體有70%是水，要補充水分，究竟每日要飲幾多水才足夠？網上流傳一條飲水方程式，用以計算每日所需的水分攝取量。不過，有營養師指，每人所需的水分攝取量，受不同外在因素影響，方程式可作參考，但毋須盲目跟從。
飲水方程式：體重(公斤)Ｘ30(毫升)／250(毫升)，尚營坊營養師Charles表示，那是澳洲昆士蘭對水分的攝取量的指引。不同國家對水分的攝取量都有不同指引，如英國國家衞生事務局（NHS）建議成年男女每日飲6至8杯水，每杯250毫升；美國農業部（USDA）則建議成年男士飲13杯水，成年女士飲9杯水。
「對於每日要飲多少水，無精準的計算方法，因為考慮體重外，其他因素如運動量及生活環境都是關鍵，因人而異。」Charles指，「多一兩杯，或者少一兩杯，對我哋嘅健康唔會有好大影響。」
他又指出，飲水並無黃金時間。「身體每一分每一秒都流失水分中，例如排泄物、呼吸、汗液，最好全日平均分時段飲水，令身體細胞可平均吸收充足水分。」都市人工作忙碌，好多時都忽略飲水，可在食飯、小休爭取時間飲足夠水分，避免出現缺水情況。
不少人怕晚上飲水，怕身體出現水腫。不過，Charles就澄清，「夜晚飲水擔心嘅位係會影響睡眠質素，怕要去廁所，而唔應該將注意力放於水腫的問題，夜晚飲水係唔會令到你水腫。」另外，夏天長期要戶外工作的人士及做完運動，都應該補充足夠水分，留意天氣較留意時間重要。
覺得飲水好乏味，其實不單止水可以補充水分，其他飲品都可以。Charles指，果汁、豆漿、牛奶及湯水都可以補充水分。「不過要注意飲品的卡路里、是否含蛋白質、脂肪或糖分，要注意分量以免致肥。」另外，雖然茶類飲品不含卡路里，然而有咖啡因，具利尿作用，一杯茶只可當半杯水的分量。奶茶、咖啡、可樂都有咖啡因，一杯亦只可當半杯水的分量。擔心咖啡因的人士，可以選擇玄米茶、麥茶等沒有咖啡因的飲品，可當一杯水的分量。
－－－－－－－－－－－－－
《魔法軍團Z》創新自由組裝機械人大戰！
日系機甲戰棋手機遊戲《魔法軍團Z》好評配信中！