地產傳單亂攝車頭　甩油一撻撻有冇得賠？

擋風玻璃被攝甩油傳單，車主一殼眼淚！有網民星期日(10日)在Facebook群組「將軍澳」發貼訴苦，指其愛驅車頭被人攝了一張地產代理的傳單，惟傳單甩油，印到車頭擋風玻璃「一撻撻」！

車主郭生生接受《港呢啲》訪問時表示，他上周四(7日)將愛驅泊於將軍澳港鐵站對出一個戶外停車場，惟3日後欲取車離開時，發現車頭水撥上攝有一張留有電話號碼的地產代理傳單。當他取走傳單時，竟然發現彩色傳單甩油，導致擋風玻璃印上一大片油墨漬，用水清理都「捽唔甩」。

郭先生說，當時停車場上有十數輛私家車都有類似情況，連附近停車場都「中招」。他事後致電涉事地產代理，但「打去一直飛去電話留言！我都WhatsApp過，但冇人理！」他指因對方沒有回覆，會報警處理。

貼文甫出，即惹來網民熱議！有網民更留言指自己愛驅同告「淪陷」。對於事主的經歷，不少網民深表同情，紛紛出謀獻策。有人建議「用粗蠟打下塊玻璃」、亦有人建議「用水整濕玻璃後再用玻璃刮清理」、或者「用白電油慢慢抹」等。

執業大律師陸偉雄表示，有關公司將傳單放置於車頭水撥上，導致該玻璃其後功能受損，此舉可以構成刑事毀壞。「就算有關公司非有意，但因為這屬於罔顧行為，罔顧了招紙會因天氣問題而令車頭玻璃受損。」陸偉雄續指，事主除可報警處理外，亦可以循民事途徑向有關公司索償。

---------------

《港呢啲》：大事小事騎呢事，東網電視嚴謹選題，輕鬆製作！