「焗葡國雞飯」白飯另上　網民投訴掀大辯論

相信好多人都食過焗葡國雞飯，但你食過的，白飯會否一齊焗？有網民在社交群組「巴打絲打Facebook Club」發貼，指餐廳呈上的只是「焗葡國雞」，另上白飯，大嘆︰「唔係呀嘛？」

該網民表示，他在本港一間餐廳點上一味焗葡國雞飯，餐廳其後端上一碟盛滿葡汁，表面明顯有焗焦痕迹的「葡國雞」。誰知當他準備開動時，卻發現葡國雞下面，沒有飯！

該網民即時詢問餐廳職員，他形容「阿姐」當堂變得慌張，即場收回菜式端回廚房。但當網民以為該餐廳會重煮時，該「阿姐」卻一手捧着原先的葡國雞，另一手捧多碗白飯出來，更解釋指︰「出面間間都係咁啦！如果焗豬扒飯先係一齊焗。」

貼文一出，旋即引來分成兩派的網民熱烈爭論，有網民批評貨不對辦︰「違反商品說明條例喎」、「畀我都唔食呀！」又有人力撐餐廳︰「佢碟葡國雞有焗過喎」、「阿姐啱呀，呢個都唔係葡國雞焗飯」，更有人表示，「葡國雞」應是一味餸，配以白飯始為正宗。

你又鍾意食邊款呢？

---------------

《港呢啲》：大事小事騎呢事，東網電視嚴謹選題，輕鬆製作！