網民熱話：用完即棄受傷？大圍藥房貓事件另有內情

藥房貓遭遇近日屢受關注，如果看到有藥房貓被遺棄受傷，你會伸出援手嗎？今日（17日）網上流傳一則救貓的消息，指大圍一間藥房結業搬遷後，藥房沒有帶走貓貓，任由它在藥房附近流浪，最終導致其中一隻帶有頸繩，並受傷的貓瑟縮藥房附近，奄奄一息。愛貓網民齊聲聲討藥房：「用完即棄咩？生命嚟㗎！」但原來，事件另有內情。

有網民在 Facebook 群組「天下貓貓一樣貓群組」上載貼文，呼籲網民去救貓，指聽聞大圍某間藥房在本月（10月）初搬遷結業，但未有帶走本來在養房內飼養的「貓店長」，直至今日，他在藥房舊址發現了一隻有頸繩的黑白色貓貓，從相片所見，虛弱的貓貓瑟縮牆角，滿身污損。發文者指：「佢好惡，唔比（畀）人接近，睇唔到有冇傷，但應該縮左（咗）係（喺）度好耐同埋淋過雨。」及後有網民成功將牠救走，並帶牠去看獸醫。

不少網民看見此貼文紛紛為貓送上祝福、又可憐牠受了很多苦，但有不少人怒斥藥房：「當正貓貓係看舖「工具」啊！用完即棄咩？生命嚟㗎！」但藥房負責人向東網澄清指：「隻貓唔係我哋嘅！」

他解釋藥房本有兩隻自來貓，平日會在藥房自由行動，一隻為全黑色、另一隻為白底黄斑花貓，與今次被發現的帶斑點黑白貓，毛色大為不同，而且兩隻貓與被發現的貓體型亦有所分別。

其後亦有街坊代藥房一證清白，指被發現的貓隻，的確並非藥房飼養，因藥房貓貓頸上，並沒有扣貓圈只有去蝨膠帶，指遺棄一事應屬誤會。無論如何，該隻受傷的貓已被有心貓友送到寵物診所，逃過一劫。

網民有話說

Sarah Lee：多謝樓主同一班愛喵人，希望喵喵健康。

Florence Kan：小寶貝一定係受咗唔少苦。

Sau Fun Chu：貓有何罪，藥房倒閉，要棄貓。

Kelly Wong：搞錯，當正貓貓係看舖「工具」啊！用完即棄咩？生命嚟㗎！唔要貓都有手尾啲除下佢條頸繩啊，勒住條頸遲早發炎。陰公豬，明顯貓貓好驚驚縮埋一角。

※緊貼網民熱話，掌握最熱話題，請關注網民熱話fb：

http://on.fb.me/1L3m1ro