青馬大橋變機場跑道？直擊旅巴「起飛」一刻

不少人可能坐過空中巴士，但「空中旅遊巴」大家又坐過未？近日有網民於社交群組「香港突發事故報料區」貼出影片，拍下一輛旅遊巴於行駛期間「伸隻翼出嚟起飛」，片段惹起網民熱議。

從片段所見，事發地點為青馬大橋出市區方向。片主在快線行駛時，中線的一輛旅遊巴右邊的行李艙門突然打開，儼如飛機打開機翼起飛！

不少網民笑指該旅遊巴名副其實是一架「空中巴士」，正準備助跑起飛。亦有人幻想指當時其實正在拍攝電影，「過多陣會伸出機關槍，跟著導演嗌cut(停機)，good take(演得好)，收工」。從片段可見，旅遊巴在事發後已亮起「死火燈」，未知司機最終如何收科？

---------------

《港呢啲》：大事小事騎呢事，東網電視嚴謹選題，輕鬆製作！