網民熱話：先人都有病？窩心店賣紙紮藥套裝

明日(28日)就係農曆九月初九重陽節，孝子賢孫都會去登高掃墓祭祖。近年冥府愈來愈進步，繼有紙紮iPhone、自動麻雀機、電腦、平板等，有網民發現今年市面上更推出居家良藥套裝，包括「保魔丹」、「幸運傷風感冒素」、「無必滴」等，懷疑冥府都是通街水貨客，要化藥保平安！但乜喺冥府都會有病㗎咩？其實咩祭品都唔係重點，最緊要有孝心，真正做到慎終追遠，求個安心。

網民Olivia Kwok日前於社交網站Facebook「North District 北區」群組上載一張照片，指在一家紙紮店看到有藥品套裝，笑言「乜依家D(啲)金銀衣紙咁新潮架(㗎)啦，好似幾岩(啱)水貨客……有埋保嬰丹，做鬼都會比(畀)蚊咬，好貼心，好孝順～」。

不少網民留言稱坊間早有多款新潮祭品，舉例有飛機、按摩機、貨櫃車、回鄉證，甚至「天地通銀行」的金卡和銀卡等，應有盡有；有網民戲謔「死左(咗)都仲要食藥，咁多病痛真係做鬼都唔靈」；又有網民稱，因有問米婆稱其已去世的父親在冥府「周身痛」，其母數日前即買入相中紙紮藥品燒給其父；有網民更笑問：「奶粉Set(套裝)呢？」

網民有話說：

Siu Kuen Chiu：睇完笑死左(咗)！保嬰丹係比(畀)死左(咗)既(嘅)BB定比(畀)，佢地(哋)死左(咗)，真係明符其實係(喺)下面生左(咗)BB。

Lu Wong：生前又唔買D(啲)堅比(畀)家人，死後做咩都係補償自己心理好過D(啲)咋

Siaki Hung：翻版黎(嚟)既(嘅)，倒不如成間藥房燒左(咗)佢，益下啲鬼

Olivia Kwok：轉左IPHONE，係咪有得WHATSAPP

※緊貼網民熱話，掌握最熱話題，請關注網民熱話fb：