政Whats噏：台灣跨年音樂會　江素惠必去

就嚟又到年尾，香港過節一向被批評冇乜氣氛，但係台灣嘅跨年氣氛就相當濃厚，唔少後生仔女每年都會買定機票，去台灣參加跨年活動。早前喺一個活動上遇見香江文化交流基金會主席江素惠，嚟自台灣嘅佢好鍾意去跨年音樂會，仲自爆試過買唔到門票而好失望添！

江素惠話自己好鍾意音樂，各類型嘅音樂都鍾意聽，而跨年音樂會有好多歌手出席，加上氣氛好好，佢都好鍾意去，然而跨年音樂會門票一向熱賣，好多年前都試過買唔到。為咗唔再錯失機會，佢就同幾個女仔一齊去，女仔朋友幫手買票，就唔再買唔到音樂會門票嘞！

江又大讚台灣跨年氣氛好，香港唔可以燒爆竹，但台灣就可以，所以跨年嘅時候，爆竹響足全晚，佢就最鍾意一路聽爆竹聲，一路同朋友聚會，一齊聽下音樂，開開心心咁過喎。