iPhone X先達回收價跌　店主：行兩行唔見2舊

iPhone X今早(3日)開放取機，一眾「果農」取機後到旺角先達廣場放機。黑色265GB iPhone X回收價已跌至10,300至10,500港元，銀色再低100至300港元，估計現時放機只賺400至700港元不等，收機人士預料炒價會再跌。

G World Mobile老闆劉志剛(Lo 哥)指現時店內64GB訂單價大概1萬港元，256GB則1.1至1.2萬港元左右，價格在他可接受範圍內，「多貨係咁，個個都有錢賺，不過賺少咗，冇預期高咁解」，他又認為iPhone X「炒燶」機會較低。Lo哥表示，現時iPhone X訂單比iPhone 8時有所增加，認為蘋果以往搶購洶湧情況，「大家起碼有人排吓隊先」。他續稱，今次新機有自己獨特的功能，大部分人都抱有期待，故作為旗艦機暫時算合格。

先達廣場門口有大批收機人士擺攤收iPhoneX，64GB收8800至9000港元不等，只比原價多200至400港元，而256GB則已跌至10,400港元，比原價多600港元左右。收機人士普遍認為炒價只會愈來愈低，更高呼「行兩行唔見兩舊(200港元)」。

不過，在下午先達廣場的回收價有回升，黑色256GB平均收10,800至1.1萬港元左右，比上午增加200至400港元。手機店i-generation經理姚先生解釋，上午買新機的顧客比想像中多，貨量相對變少，故炒價有所回升。

另外，大型電器零售連鎖店百老滙出現「天價」賣iPhone X清況，64GB賣16,888港元，256GB更賣至19,888港元，比原零售價貴整整1萬港元。

有「果迷」下午特地到先達廣場購買新機。阮先生本已預訂iPhone X並於下周取機，不料原本使用的iPhone 6突然壞機，所以即日便到先達廣場購機。阮先生以1.1萬港元價錢購得一部256GB iPhone X，比原價貴1000多港元，他表示價錢能接受，「要買就要買」，又認為新機比較特別，自己亦期待已久，「橫掂要換就換特別啲，貴少少由佢」。