政Whats噏:雷鼎鳴爆朋友內地叫雞手機過數

20171106
東網電視
更多新聞短片
雷鼎鳴爆有朋友喺內地叫雞,手機可過數,而呢啲事香港仍未做到。(徐家浩攝)
外界一直批評香港嘅電子付款系統落後,科技大學經濟系前系主任雷鼎鳴今日(6日)喺一個回歸廿年嘅研討會上,講到內地嘅發展時,竟然爆出「叫雞論」,話識到有個朋友叫雞,「佢叫雞都係隊個咁嘅手機」,而呢啲事香港仍未做到。
雷鼎鳴喺研討會上指出,內地生活上好多嘢已經方便過香港,畀錢乞丐都可以拎個手機出嚟,又話識到有個朋友叫雞,「佢叫雞都係隊個咁嘅手機」,呢啲事香港仍未做到。講到內地經濟發展時,佢又話香港有種人好唔妥中國,假設中國就冧,但呢條路係幻想,網上有個最肉酸嘅字係「支爆」(中國崩潰論),但佢認為呢啲人應該面對事實,因為中國發展好快,係大家着數嘅事,唔應該迴避。