綠色先鋒：破傘重圓
20171108
東網電視
更多新聞短片
去年10月起開辦的「雨遮重生」修遮工作坊，至今已向逾400人傳授「破傘重圓」之術。
今年夏季襲港颱風特別多，大風大雨下撐傘出街，一般都無好結果。吹反的、遮骨斷掉的、破洞的，林林總總的雨傘殘骸被丟到「一地都係」。有退休人士當上「雨傘醫生」，落街收集被遺棄的破舊雨傘，為其進行移植、駁骨等「手術」，更開班授徒，宣揚惜物之道。
「我呢把遮用咗30年！」甘維俊（Joe）手上這把雨傘，除了遮布上幾道淡淡的歲月痕迹，幾乎看不出是來自80年代的產物。這把中古雨傘之所以到今時今日仍然「收放」自如，除了因為保養得宜，亦全靠Joe深厚的「修」遮功力。
「好多人見斷咗遮骨，吊吊揈，覺得肉酸就掉咗把遮，其實用簡單方法就駁得返。」Joe多年前到新蒲崗找一名修遮師傅接駁斷掉的遮骨，對箇中過程萌生興趣，悄悄偷師，自此成為修遮發燒友，更自費添置修遮「架生」，到街上收集棄置雨傘回家修理。「唔止打風落雨啲爛遮，有啲完全無爛，只係污糟咗少少就被人掉，明明拎番去搵水刷下就變番靚。」
駁骨、補洞、移植傘骨，通通難不倒這位「雨傘醫生」。Joe在去年10月更進一步，開辦「雨遮重生」修遮工作坊，至今已向逾400人傳授「破傘重圓」之術。「先用較闊嘅舊遮骨鋸出一節，包住斷咗嘅部分，鬢辮咁樣鉗實佢就駁到遮骨。遮布穿窿就仲簡單，搽少少萬能膠喺窿位就搞掂。」
除了示範各種修遮技巧，Joe更會自攜20多套工具借予學員即場練習。「一個人整到嘅遮有限，而且見學員做得到，滿足感會更大。」不少學員均表示獲益良多，參加者周女士喜歡修修補補，稱將來希望學以致用，避免浪費仍可使用的雨傘。另一名學員胡小姐則驚嘆，Joe展示經修復的雨傘，完全不像曾被人遺棄的物品，「覺得為地球出咗分力，令本來可能會去堆填區嘅嘢可以重生。」
想心愛的雨傘長開長有，單靠維修功夫未必足夠，Joe認為學會如何保養同樣重要。「每次用完搵清水沖一沖底面，打開佢嚟晾，乾咗就摺好存放，學西裝咁摺到起骨就最好！」他更希望工作坊能讓更多人懂得「惜物」。「唔淨止雨遮，其他嘢都一樣，唔好因為少少破損就掉，只要發揮吓想像力，好多物品都可以用自己方法整好佢。」
---------------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！