你要知：8大相沖食物唔食得？食大閘蟹必睇
20171111
東網電視
更多新聞短片
大閘蟹到港，蟹迷都開懷大嚼，惟配搭不當的食物隨時食壞身體。
大閘蟹迷等到頸都長，內地供港的大閘蟹早前終獲批文且通過食物安全中心檢查，正式於港發售。餓蟹多時的蟹迷當然第一時間搶購大閘蟹，伴隨其他佳餚美食、冰凍飲品，暢快大吃大喝一番。不過，原來食大閘蟹最少有8種食品切忌一同進食，否則隨時上吐下瀉，食壞身體。
過往這個時間傳統大閘蟹黃金檔期幾近尾聲，但今年才剛剛開始。不少大閘蟹迷急不及待，出動掃大閘蟹。不少人食大閘蟹之餘會同時進食其他美食，不過大閘蟹性質寒涼，有多種食物都不宜同食。
註冊中醫師徐澤昌教路，食大閘蟹切忌與寒涼生冷的食物同食，包括柿、刺身、雪糕、凍飲如啤酒、汽水等，因為會增加寒性。而水果如山竹、火龍果及西瓜亦較寒涼，需避免進食。他建議，進食大閘蟹當天，更應整日避免進食寒涼生冷的食物。
另外，蟹心、胃及腮都不宜食用：「相對比較寒涼，仲有胃係消化系統之一，有好多污槽嘅東西。」他補充，薑及紫蘇葉可中和寒性，有解魚蟹毒及溫暖脾胃的作用。除可與大閘蟹一同烹煮外，若有不適，亦可飲用有生薑成分的飲料、將薑磨汁或者紫蘇水，有助紓緩。
以為熱食必定能解大閘蟹的寒？原來亦不一定。徐醫師指出進食大閘蟹時同時進食一些溫補脾胃的食物，如白飯或者炒過的食物，可中和寒性，但亦不能進食太過溫熱的食物：「千祈唔好食咗啲寒涼嘅蟹，之後食返啲好溫熱嘅嘢落去，好似羊腩煲，羊腩係有溫補嘅作用，但因為食大閘蟹都係食佢啲膏，比較油膩，食啲好溫熱或者係好油膩嘅食物，其實係好難消化，會加重脾胃的負擔。」
大閘蟹雖然美味，但始終少食多滋味：「1星期最多1至3次，每次1隻。」他指進食頻率高或者一次進食過量，容易產生胃痛及寒症，如手凍腳凍及肚痾等情況。寒底人士會較易不適，會痾嘔肚痛及頭暈，大閘蟹迷想食得開心，就要謹記。
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！