搜查線：碩士做Dancer追夢 寧捱窮不做鹹魚
20171122
東網電視
更多新聞短片
即使家人反對，Regent寧棄高薪厚職，都要繼續跳舞。(甘偉倫攝)
「價錢一次比一次低......話晒我都係一個Professional......我嘅專業唔係人人做到！」這一首歌，說出不少dancer的心聲。近日一則演唱會舞蹈員的招聘廣告，因標明「少量演出經驗者優先」鬧得熱哄哄。不少行內人士深有共鳴，認為舞蹈員的專業在社會上不受尊重，只需「愈平愈好」，薪酬待遇絕不合理。平日站在藝人背後，鎂光燈下少有成為焦點，當上職業舞蹈員，要有怎樣的「覺悟」？
今年30歲的張偉晉(Regent)，參加過亞洲星光大道系列節目，又在內地比賽中贏得「全國總冠軍」的王者稱號。台上威風數分鐘，台下實則有13年的跳舞功力。自中學時期接觸跳舞，他就深深迷上，形容是「泥足深陷」，「一試之後發現，個人好享受音樂，好享受用身體嚟表達音樂嘅每一粒音，表達得到而觀眾又認同，係一件好滿足嘅事。」
由「舞界小薯」做起，Regent至今參與過大大小小的演出，現時工作以編舞和排舞為主，一星期7天，每天都會跳舞。多年來，他的身體積下不少勞損，除了頸骨移位，膝蓋後方的腳筋亦不時隱隱作痛。雖然「周身傷」，舞蹈員的收入並不可觀，人工甚至未有因應通脹提升，「試過望住戶口數字一路跌，要去問朋友可唔可以借6蚊畀我呀，因為得返94蚊，要100蚊先撳到出嚟。」
收入以外，更多的是不合理待遇，「以前做過個騷，畀500蚊喺club度跳足一晚freestyle，出糧嘅時候，拖咗3、4個月都未有，最尾仲要係有啲前輩幫手問返個老闆，話可唔可以出返糧比個細呀，咁先攞得返錢。」Regent又指，舞蹈員在台前台後常常都不被重視，「好多時覺得dancer就求其啦，唔死得就得，唔好話多謝，就連打招呼都唔會打。」
大學時修讀英文，又擁有翻譯碩士學位，Regent理應不愁沒好工作。家人不時叫他正正經經打份工，曾經就有人出價月薪4萬多元請他當「manager」，但條件是「不可兼職」，即是要他放棄一切跳舞工作，他斷然推掉，「如果要我朝早返7點，收4、5點，但放工之後我唔可以教跳舞，唔可以做鍾意嘅事，真係同鹹魚冇分別。日日就咁做，星期六日就喺屋企Hea，我接受唔到！」
演唱會之所以好看，除了視乎藝人功架，不論是熱情如火的快歌，還是憂鬱的抒情慢歌，舞蹈員在旁的襯托效果始終不可缺少。Regent由最初級的舞蹈員，慢慢做至現時在舞壇上佔一席位，亦成為rapper，有自己的創作歌曲，只望舞蹈員的待遇和地位能有提升。舞蹈員的生涯未必很長，但Regent並未想停，「30歲人，成日會覺得自己老啦，但真係冇諗過幾時要完，可能係跳到有一日真係跳唔郁，咁先會停。」
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！