政Whats噏︰逾十年無人追　劉慧卿享受單身

民主黨前主席劉慧卿(卿姐)於去年立法會換屆選舉決定不再連任，結束四分一世紀議員生涯，她最近接受藝人馬浚偉訪問，被問及有否人追求時坦言「十多年都無乜」，又表明享受自己一個人住；對於有否朋友做媒人撮合感情，劉慧卿指認識自己的朋友親戚都知道「嘥氣」，並反問「你估仲係一百年前咩？」

卿姐接受馬浚偉的電台節目訪問大談近況，她指自己享受一個人住，形容「真係好到不得了」；「自己住好舒服，返屋企鍾意做乜都得，睇電視唔睇電視，聽音樂唔聽音樂，着衫唔着衫，全部好自由自在。」她續指，有女性朋友即使繼續拍拖，都選擇不與別人同住，因為發現了自己住「咁正」，就不會輕言放棄。

感情生活方面，單身逾十年的卿姐形容自己「好適應」，被問及有無人追求時，她形容「依家無乜，你睇下我幾坦白」，其後再被追問時指「十多年都無乜」，這與無太多空餘時間有關。

卿姐強調，自己不分年紀，包括後生或較為年長，「從來乜人約都傾」，至於有否朋友做媒人撮合感情，卿姐說︰「我識嘅朋友親戚都知嘥氣」，並反問「你估仲係一百年前咩？」馬浚偉隨即緊接指現年65歲的卿姐仍然後生，卿姐即時回應指「我唔係講年齡，係講媒人。」