硬Cut雙白線　霸頭位起步　網民：爭分奪秒

賽車爭頭位就聽得多，但日常行車都要霸頭位？近日有網民在社交群組「馬路的事討論區」發貼，指有私家車疑為霸頭位，竟切雙白線強行攝入鄰線，引來網民熱烈討論。

從片段可見，星期三(20日)上午約七點半，多架車輛正停於燈位前等候，其時車龍後方的一輛私家車，疑為「搶先一步」，突然越過雙白線，將車「硬塞」進右線，與最前方的車輛並排。當綠燈一亮起，該車便「一馬當先」地揚長而去。

有網民笑言司機可能趕時間︰「贏左2個車位」、「爭分奪秒，用盡路面每寸空間」、「佢當自己26(電單車)咁攝車？」又有網民對司機做法一頭霧水︰「我仲以為佢要轉右所以迫住犯法，原來都係直行，咁切雙白做乜？」

想知當時情況係點？即刻睇片啦！

---------------

《港呢啲》：大事小事騎呢事，東網電視嚴謹選題，輕鬆製作！