致命車禍：MT系列車輕馬力大　專家：量力而為

事主駕駛的YAMAHA MT-07電單車，採用四衝水冷前傾式並列雙汽缸DOHC 8V，排氣量689c.c.，油缸容量14公升，最高馬力達74.8ps/9000rpm，扭力則達6.9kg-m/6500rpm。事主在一星期曾發帖指自己覺得「此車太快，未能駕馭」，資深電單車手鄧有存表示，過往亦有車友因「舞唔掂」高馬力的電單車，所以選擇降級。

至於涉事電單車型號其實屬於新手車的進階版，排氣量相對較新手版高、馬力較大，但絕非難控制的「高手車」，車身輕，適合有一定經驗的「半新手」駕駛，惟獨要留意入彎時的車速，切忌越級挑戰以高速入彎，否則易生意外。

MT系列為YAMAHA的新款式，只推出了數年，系列共有4款車，分別是321c.c的MT-03、689c.c.的MT-07、847c.c.的MT-09，以及998c.c的MT-10。鄧指：「咁出法主要係畀人升級用」，意思是入門級、初學者大多先駕駛MT-03，馬力最小，最易操控，駕車半年後有一定經驗，一般會轉駕相對較大馬力的MT-07，至臨近「甩P」時又會再「升一升」換MT-09，如此類推，普遍車友隨著駕駛經驗的累積，皆會追求更快的車速，故會一直升級，換更快的電單車：「如果能力負擔到嘅話，通常半年至一年左右就會升一升啦。」

鄧又提到，車友升級換新車，都是為追求更高速度，但有時高估自己能力，越級挑戰就容易出意外：「架車性能好咗，胎粗咗，自然會想挑戰吓自己技術，用更高速入彎，但如果技術同經驗都未到家，就好易出事。」他指出，一般電單車司機入彎前會「先收一收油，入完彎，望到個彎有幾深，先再慢慢加油」，倘若入彎車速過高，就容易被拋出。