網民熱話：巴士男坐樓梯唔肯走 累全車乘客轉車
20180105
東網電視
更多新聞短片
有乘客坐在巴士樓梯不肯走開，全車乘客要轉乘另一輛巴士。（Facebook群組「巴士的事討論區」圖片）
交通費貴但又逼爆唔夠位坐，有乘客會選擇站在梯間避免擠逼，甚或坐在梯間的樓梯當座位。今日（5日）有網民目睹，有車長因認為中年男乘客站在雙層巴士梯間有欠安全，因此勸籲他改站位置。然而男乘客不但沒有聽從車長指示，更堅持一直坐在梯間，最終因雙方拉鋸，令其他乘客需要調往另一輛巴士繼續行程。有網民直斥該乘客累街坊，「香港人，可不可以唔好咁自私咁霸道？可不可以想下其他人呢？」
今日Facebook群組「巴士的事討論區」上載了一張男子坐在巴士梯間的照片。發貼的網民表示，當時早上繁忙時間正乘搭九巴69C線，該名男子坐在巴士樓梯位置，正提着耳機聽歌，車長於是停車行近提醒，巴士條例不允許站立梯間。
但男子並未妥協，更即時坐在梯間抗議，並反問車長，「咁得未呀？」，堅持不肯離開樓梯位置，車長無奈之下，只好安排全部乘客轉乘另一輛巴士。貼文者認為，車長不應忍讓該男子，而影響其他乘客。
有網民認同貼文者的看法，認為車長應該使用更強硬的方法應對，「一係勸喻佢企返落嚟，一係就直頭掟佢落車」，但有人認為司機處理方法恰當，「司機唔做嘢又嘈，做嘢又埋怨，咁做係最正確」。
但有網民深明車長的無奈，認為車長其實並無萬全方法可趕走攪事乘客，最終只有等警察介入，「你趕佢落車佢肯咩，司機又唔可以同佢有身體接觸，點趕？」
九巴發言人回覆指，根據《公共巴士服務規例》，乘客於巴士行駛時不得在雙層巴士上層及梯級站立。若車長發現有乘客違反有關法例，會即時作出勸喻，待實際情況許可下才繼續行車，以確保安全。
網民有話說
劉耀聰：叫司機埋嚟，一係勸喻佢企返落嚟，一係就直頭兇狠啲喝佢，直頭掟佢落車，二選一！
Chris Leung：叫佢唔好企都唔聽，你趕佢落車佢肯咩，司機又唔可以同佢有身體接觸，點趕？
楊皓然：佢本來企的，司機話巴士條例唔俾企，就坐底左話，咁得未呀？！！
Candy Yuen：其實不是車長不出聲，而是出聲又死唔出聲又死。因為出聲就比乘客話態度不好，無禮貌。唔出聲如果發生意外，車長要負責。
Seven Mask：因為太多時司機唔做嘢又嘈，司機做嘢又埋怨。司機咁做係最正確方法，勸喻不果，就是這樣。支持司機
※緊貼網民熱話，掌握最熱話題，請關注網民熱話fb：