搜查線：滷水煲足20年　全家總動員難保去世老闆心血

社會要發展，市區重建避無可避。然而，當中不少滿載着一家人回憶的小店，將會成為犠牲品。有打冷舖因重建，被業主提早收回舖位。即使主動提出加租，亦未能改變對方心意。打冷舖開業20年，老闆娘與家人，多年來一同守護去世老闆的心血，打算可以留守到重建前的最後一刻。不過，世事豈能盡如人意，小店今個月終要與街坊道別。

不少街坊小店駐足的土瓜灣，為重建的核心地帶。其中一間打冷舖「潮汕美食」，業主去年4月通知老闆，租約期滿後將不再續租。為保住打冷舖，珊姐曾主動提出加租力挽狂瀾，希望經營至重建前最後一刻，但並不成功，業主僅將收舖日延遲至今個月尾，而今個月15日將會是該店最後一個營業天。重建仍未進行，究竟業主為何要「企硬」提早收舖？珊姐謂：「要準時收，我覺得係因為市建局有兩筆錢賠，一筆大一筆細，大嗰筆賠畀最後嘅租客。」

打冷舖要結業，老闆娘珊姐最不捨的，當然是與老闆的回憶。珊姐與林老闆一早打算退休，怎料1997年的金融風暴，令倆口子的儲蓄大幅滑落。當年40多歲的林氏夫婦，決定開一間打冷舖。「嗰個年紀好難出嚟搵嘢做，不如自己開舖，落手落腳，賺份人工點都賺到。」

開業初期，只得一個舖位、4張枱及10幾個座位，現時已擴展至3個舖位，每晚仍然滿座。滷水是打冷舖的靈魂，珊姐一臉自豪指，「開檔到依家未停過火，一直都係呢煲，放假都會返嚟煲下佢。」這一煲滷水一煲就20年，除了濃郁的滷水味，還包含林氏夫婦及家人的點滴。

可惜，林老闆於2015年因病去世。珊姐、珊姐細佬輝哥、一對仔女，為將林老闆的心血延續，全家總動員落力守護打冷舖。珊姐的女兒Cherie以前任職採購，4年前開始全職做打冷舖。「屋企人要齊心合力，自己大個咗，都有頭家嘅時候，會發覺原來屋企好緊要。好唔捨得，明白大趨勢係要拆，每一樣嘢都有期限，但依家咁而分開覺得遺憾。」兒子Joe亦指，打冷舖令家人的聯繫更緊密：「以前唔係同媽好親密，有間舖，有共同目標，親近咗好多。」

打冷檔是珊姐及老公的心血結晶，結業就如「頭家散咗」。「間舖(老公)搞得真係唔錯，病倒後期佢同我講，你爬到落嚟就有錢收啦。」一班街坊亦令林氏一家大感不捨，「好多搬走咗去第二區，都會成家人返嚟食飯，有個地方，大家都會見，無咗呢度，就再見唔到。」珊姐感慨地指，「最唔捨得都係啲人，再召集返唔知道會點樣。」

這間打冷舖猶如一班土瓜灣街坊的飯堂，要結業不少街坊都感到不捨。食客李先生指，「依度啲嘢食真係好好，要執好唔捨得，會嚟幫襯多幾次。」結業在即，珊姐依依不捨，雖然未有任何計劃，但都十分希望可與街坊重聚，有任何消息都會於店舖的Facebook專頁通知大家。