我城我區：鐵騎財神到好走快兩步？現真身解落區之謎
20180218
東網電視
更多新聞短片
鐵騎財神真身原來是任職手機維修員的阿邦。(王詩雅攝)
近日網上流傳一張相片，身穿紅袍駕駛電單車的財神在紅隧口出現，該名頭戴「蜘蛛俠」頭盔男子，戴上財神帽黏着鬍鬚，惹來網民瘋狂轉載，議論紛紛其出現原因。昨日（17日）他再在紅磡觀音廟附近現身，吸引大批紅磡街坊爭相跟他拍照，又要摸一摸財神沾沾財氣。東網苦尋終找找到他現真身，解開其立志成為鐵騎財神之謎。
「新年好意頭！我咁啱見到屋企有件財神衫，本身又唔係好怕醜，所以想氹吓大家開心！」鐵騎財神真身原來是任職手機維修員的阿邦，他「即興」當街做財神派糖，為的只是希望能博得大家開心。「其實係即興，我見周圍啲人都要收錢先會扮，咁咪出嚟玩吓！」因此，阿邦與女友兼助手Ashley便騎着電單車出巡，派糖送祝福。
阿邦與Ashley在年初一（16日）首次上街派糖，選址深水埗，翌日再到紅磡觀音廟附近扮財神，「呢邊多人，好溫馨好開心。」阿邦戴上財神帽和鬍鬚，穿着繡有「金龍」的紅色長袍，吸引不少街坊的目光。街坊紛紛上前握手和要求合照，希望能沾沾財氣，來年一帆風順。阿邦亦會主動派利是糖給他們，「利利是是」，送上祝福，Ashley則在旁為男友控制場面，打點一切。
對於男友變財神，Ashley笑指，「有時都想扮唔識得佢，哈哈哈，不過佢開心我就開心」「估唔到啲街坊都幾鍾意呢個造型，都會走過嚟打招呼，講新年快樂同攞糖。」她又指，難得見到街坊熱情地向他們打招呼，「好似我細個嘅香港咁，覺得好溫暖。」不過，又因他以奇特的造型騎電單車，令警察也上前了解，要他小心駕駛安全。
當中有不少街坊想派利是給財神，卻被二人婉拒，表示「唔係為錢，我哋都係想大家開心，如果我為錢嘅話我不如返工！」亦有街坊上前向二人分享「我以前都係咁樣，為大家開心」，又着阿邦要加油，最後更買了包檸檬茶給他以示鼓勵。
雖然不少街坊都喜迎財神，但有網民留言批評他想出風頭：「我哋啲香港人真係好有問題！」阿邦直言：「就算做得再好都會好人唔鍾意，我覺得不用理會別人，身邊人同自己覺得做得好，咁咪得囉！我覺得大家開心好重要！」在這冷漠的香港，為其他人帶來點歡樂和祝福，「我動機真係想大家開心，呢個世界唔係所有事都只係為咗錢。」
不知道我們會在哪裡再見到財神騎着電單車派糖呢？到時候記得主動上前，跟他合照沾沾旺氣！
-----------------------
《骰寶坊》誠邀各地【賭王】【賭后】挑戰神人境界，每日更有百萬籌碼等你領取！
立即免費下載，體驗《骰寶坊》最真實、刺激的多人在線骰寶遊戲！