網民熱話：批鬥衝出國際？遊日港婦狠批日人唔讓座
20180301
東網電視
更多新聞短片
有港婦在Facebook個人帳戶斥日人唔讓座。（互聯網）
港人對「批鬥座」的爭議及公審無日無之，矛盾之大竟衝出國際，遠至港人愛去的日本。最近有一名港婦在日本旅遊搭火車時，竟拍片斥責日本青年坐在關愛座上，港婦開口要求當地人讓座不果後，竟拍片上網公審，更指日本青年公然在火車進食沒規矩：「所以公道些應該擺出嚟！」豈料惹來網民狂轟，港婦亂拍照更有可能違反日本「肖像權法」。
前日（2月27日），一名年約50歲的港婦到日本個人遊，在乘搭神戶往大阪的火車期間，她稱車上關愛座被日本年青人坐滿，即使她開聲要求他們讓座仍無人理會，她便用手機拍下日本青年的「罪證」，上載到Facebook個人帳戶痛斥：「誰都說日本人有禮貌，關愛座都是年青人霸晒，絕不會長者及有需要人士，仲不停食嘢！」
她表示，同一旅程中有另一列車上，曾有日本青年主動讓座，更陪她坐車帶她到轉車站，得出「每個國家和地區，都一樣有好壞」的道理，最後她強調「這是關愛座」，暗示她有權優先使用，並指「如果認同請按讚」。
惟帖文求認同不果，被網民轉載到不同群組狠批，有人駁斥港婦，「咁攰就唔好去旅行啦」、「係咪喺香港畀2蚊做大帝做慣咗呀」，發文者更被人起底，一眾網民點評她的年齡和樣貌，有網民大罵：「仲要叫人起身，真係丟晒香港人架」
有人更指正港婦，指日本火車其實可以進食，且因日本重視私隱有「肖像權法」，在未經對方許可下拍攝，被攝者有權利起訴拍攝者。
網民有話說
Dicky Chan：恃老賣老，最憎。
KC Lam：佢FB張相唔可以用老去形容，阿蟬就差唔多。
Jean Ko：日本人比較有公德心，所以鐵路內食嘢係允許的。
Kwong Yung：不知所謂，咁攰就唔好去旅行。
Pat Leung：真係有X病，仲要叫人起身，真係丟X晒香港嘅面，呢啲人真係唔適合出國。
Tsuyoshi Yeung：#傑出廢老系列。
Sorbong Kiyoshi Dong：老到企下都唔得就去老人院啦，學咩人去日本。
Ron Alder W：全世界只有香港人先咁可悲關愛座只可以畀某啲人坐。
※緊貼網民熱話，掌握最熱話題，請關注網民熱話fb：