每日一片：貼心定貼身？攝影師批證婚律師手多多

近期是婚禮旺季，攝影師跟律師都忙得不可開交。「我影左（咗）咁多年真係未見過咁『細心』的律師。」近日有攝影師上載一段證婚影片，不點名批評一名律師證婚時行為奇怪，指他在提示新娘宣讀誓言時「貼到好埋」，更不斷在新娘的耳邊呼氣。在簽紙時又不斷捉住新娘的手，攝影師因此揶揄他，「基本操守你懂不懂」，表示「有片有真相，賓客睇唔到但我影到」。

該攝影師其後將影片放到社交平台，指該名證婚律師的行為破壞了婚攝時的甜蜜畫面：「最重要係我影嘢成個畫面破壞晒囉。」他列出律師證婚時的兩個問題，首先是證婚時站得太近新娘：「講誓言要個身貼住新娘企，又要深呼吸又盛。」另外又指新人簽結婚證書時手多多：「簽名拖手你出聲咪得囉，使唔使係咁行埋去捽。」

網民看過影片後反應兩極。有網民指律師行為過火，笑指：「個新娘好似畀變態佬挾持咁」，但有人認為是攝影師太敏感，指律師做法細心並無問題：「係個新娘喊到講唔到嘢，個律師教佢深呼吸咩？我聽到律師問佢得唔得，個新娘仲喊緊，然後簽名嗰度都有捽新郎隻手，好似係幫佢哋搭埋一齊，同埋扭返正隻戒指。」