善用家居3寶　自製天然洗潔精　慳錢唔傷手！

洗得碗多容易有「主婦手」，皆因洗潔精含刺激性化學物質，長期接觸容易導致手部發炎。想一雙手回復白滑？可以嘗試自製以下幾款天然洗潔精，慳錢又健康！

1.環保酵素

橙皮雖然唔食得，但原來好有用！只要將黑糖或黃糖，果皮或菜渣，再加上清水，按照1：3：10的比例混合，放進有密封蓋口的塑膠容器內，並置於陽光不能直照的陰涼處，發酵3至6個月即可使用。惟應避免使用魚、肉或過分油膩的廚餘，以免造成腐臭味。低溫亦會降低酵素的活性，故不應將其放在冰箱內。

2.洗米水

有如神仙水的洗米水，不但可使皮膚白滑，連去油都好有用！洗米水主要成分為澱粉，有助去除油污。飯後碗碟一般非常油膩，可先以洗米水浸洗，再用清水沖洗，即可輕鬆去油污。

另外，洗米水亦可去除砧板，甚至菜刀的腥臭味。只要將接觸過生肉的器皿，以洗米水浸洗十分鐘，再用鹽擦洗，便可辟除異味。

3.茶包

使用後的茶包不用急於丟棄，只須將兩至三個茶包加到暖水中，放入碗碟浸泡五分鐘，亦可達到除油作用。茶葉有助分解油污，甚至可減省人手擦洗碗碟的時間！

---------------

《港呢啲》：大事小事騎呢事，東網嚴謹選題，輕鬆製作！