車廂藍燈好詭異？乘客鬧爆　巴士公司解畫

點解有巴士啲燈係藍色？別誤會，這並不是IQ題！偶爾有網民對有巴士車廂出現藍燈不明所以，投訴搭到頭暈暈，但藍燈其實好有用？

近日有網民在社交群組「巴士的事討論區」上載照片，顯示一架九巴車廂內的燈為紫藍色，表示「真係好難頂，點解要咁做」。另有網民指城巴的車廂多呈藍紫色，直言「非常恐怖，尤其喺夜晚」。

對於網民劣評如潮，九巴、新巴及城巴就指，未曾使用藍燈照明！九巴回應指，網民拍下的巴士燈色呈現紫藍色，相信是因該車為壞車，稍後會作出跟進及修理。

新巴及城巴則表示，兩巴引入的為白色LED及黃白色LED車廂照明系統，惟本身車廂可能予乘客有相對冷色調感覺，但強調仍會提供充足照明。

事件純屬一場誤會，但可能錯有錯着？有物理學系專家回覆《港呢啲》查詢指，使用藍燈或能增加司機視野清晰度！

專家指，肉眼對白、黃、綠光較為敏感，藍光則較溫和。在晚間時分，馬路上的車燈多為白、黃色，若巴士內的燈光同為白、黃色，車頭玻璃反光的情況會更為嚴重，容易影響司機視野。專家續稱，若車廂內改用藍燈，可減少玻璃反光，司機可以「睇得舒服啲」，同時更易看清路面情況。

---------------

《港呢啲》：大事小事騎呢事，東網嚴謹選題，輕鬆製作！