少年一秒搶走8000蚊靚衫　店主追賊跌傷縫7針

旺角一間潮牌時裝店被搶衫，店主追賊跌傷縫足7針！昨晚7時許，西洋菜南街百寶利商業大廈9樓一間樓上時裝店，突然有一名年約11至13歲的少年闖入，盜去一件價值約8,000港元的衛衣後速閃。

據讀者提供的片段可見，一名穿黑衫短褲的少年突然衝入店舖，不消一秒將掛在店舖近門位置的一件衣物偷去，轉身即跑，姓黃（31歲）店主數秒內已由店內追出。據了解，當時店主由樓上追賊追至街頭，惟因當時天雨路滑，在登打士街對開意外失足跌倒，少年則甩手掉下該衛衣，意圖拾回時被店主制止，最終少年放棄及逃逸。

店主雖然力保不失，但跌倒時頭部撼地，額頭、鼻及眼受傷，無力繼續追賊，只好報警求助，由救護車送院，需縫7針治理。警方經初步調查後，將案件列作盜竊，交由旺角警區刑事調查隊第5隊跟進，相信疑犯曾到場踩線，正追緝一名1.6米高、強壯身材的少年，案發時穿黑色長袖有帽衛衣、深色帽及黑色短褲，暫未有人被捕。

黃受訪時表示：「冇乜點見過呢2個人（賊人），可能平時上嚟冇為意。」他又指，由於賊人在樓上舖犯案後較難逃走，以為遇劫機會較低，豈料仍然遇劫，他稱：「竟然夠膽喺度落手，正常旺角區你偷，都唔會光明正大咁搶啦！」

黃表示，涉案衛衣算是店內最貴的「鎮店之寶」，擺放在近門口位置是為了「吸客」，但日後考慮將較便宜商品放門口，或者用索帶綁起貴價貨防盜。

他事後在社交網絡貼上涉案疑人相片，呼籲：「《各位同行請小心》，先踩線，後換衫搶野」，事件惹起熱議，網民齊齊鬧爆賊人行為猖狂，又祝願店東小心保重。