網民熱話：失控私家車橫掃18個水馬　至少賠5萬！

撞爛公物仲要走人？今早一輛私家車在黃大仙行駛時，突然失控撞向路中央一列分隔來回線的水馬，大量水馬應聲爆裂。惟私家車撞毀多達18個水馬後，竟未有停車，反而開車駛走。有網民懷疑司機駕駛時「瞌眼瞓」肇禍，估計若尋回涉事司機，對方最少要賠償5萬港元。

影片事後被上載到Facebook群組「馬路的事討論區」。事發於在今早7時許，當時一輛深色私家車沿龍翔道快線往荃灣方向行駛，當駛至近荷里活廣場對出時，突然失控撞向右邊一列水馬，導致大量水馬爆裂，濺起水花形同瀑布，碎片散落一地。

就在此時，後方白色私家車避免撞及肇事車輛而要緊急煞車，其後駛至的車輛亦即時減速。不過，肇事司機並沒有停車善後，反而繼續前行離開現場。有目擊者估計該司機可能因未集中精神駕駛而肇禍，甚至是「瞌眼瞓」：「一定係瞓咗覺，一定係除非唔係。」

「離晒譜！破壞公物，不顧而去！」網民指事主做法離譜，撞毀水馬已是錯，不顧而去更是罪加一等。亦有網民看過影片後，始知該司機是早上附近交通堵塞的「真兇」：「今朝塞(車)到上順利(邨)，搞到遲到咗半個鐘，多得佢唔少啦！」

警方發言人證實，今早接獲一宗「撞毀公物不顧而去」的報案，姓羅男司機報稱路邊水馬突然彈出，導致其車身及側鏡損毀。同時警方亦接獲一宗交通投訴，指龍翔道有18個水馬及1支工程燈被撞毀。據工程業界鄧先生稱，水馬價錢約2000港元一個，工程燈每支則由8000至14000港元不等，估計事主未計車輛維修損失，單是意外賠償，已可能被追討5萬港元。案件最終列作「交通意外無人受傷」及「交通意外後不顧而去」處理。

網民有話說

Yau Ka Lun Alan：就係佢搞到今朝塞到high high咁。

Daky Ho：新一代香港人，做咗又唔認，害怕承擔責任。

Bowie Fung：未瞓醒就唔好揸車害人啦！

Siukwan To：撞爛哂啲嘢仲逃跑…

※緊貼網民熱話，掌握最熱話題，請關注網民熱話fb：