水彈槍攻港　子彈爆開濺化學物　醫生：可致盲、穿腸

聲稱可射爆蘋果和雞蛋的水彈槍，香港都有賣！深水埗玩具街不少商舖陳列着各款水彈槍，店主聲稱它們好賣過BB彈槍，而且3歲小孩都玩得。到底有無危險？記者拿到空曠地方激射實試！

「兩蚊一包，用水浸一浸就化到200粒子彈，好抵！」深水埗福榮街向來是小朋友的「玩具聖地」，各式水彈槍早已大熱上市。記者以顧客身份向玩具店店員了解過，發現水彈槍分充氣式及威力較猛的電動式兩種，價錢由40至400港元不等。

店員強調水彈槍絕對安全：「水彈槍冇乜力㗎，打到唔會紅腫、出血，BB彈就會！」不過有另一店員直言，電動式水彈槍有機會射傷眼球，「連射會收唔到手」，建議玩家配戴護目鏡。

記者以80多元購入一款充氣式水彈槍，並逐一近距離射擊雞蛋、蘋果、豬肉及紙皮。結果發現當水彈擊中物件時，會如「散彈」般呈粉碎狀散開，但未有擊穿任何物件。

兒科醫生馮宜亮認為，即使是威力較弱的水彈槍，危險性仍不可忽視，「呢樣嘢應該ban（禁止）咗佢」。他說：「細路仔玩玩吓，一個唔覺意近距離噴到隻眼，如果水彈速度夠快，隻眼真係會爆。」

他表示，水彈內藏大量化學物質如工業色素，射中皮膚或眼球的話，有機會造成傷口感染。小孩若不幸誤吞水彈，水彈有機會誤入氣管，再因吸收水分而膨脹，引致窒息，其化學物質亦可能令食道潰瘍，家長不得不察。

---------------

《港呢啲》：大事小事騎呢事，東網嚴謹選題，輕鬆製作！