網民熱話：大叔用土豪金大哥大　盡現霸氣

今時今日如果你仲追捧iPhone或者Samsung新款手機，咁你或者唔夠潮嘞！有網民在Facebook「Tai Po 大埔」群組發布多張相片，一名留金色長髮的大叔，霸氣地舉着久違的「土豪金」色大哥大手機，叉着腰站在食店門外講電話。大叔似乎對大哥大手機愛不惜手，其後回到食店內坐下用餐時仍在傾談，不願放下大哥大。

相片一出，旋即引起網民熱議。不少網民懷念使用大哥大的舊時光，不斷詢問在哪裏有賣同款大哥大，又讚嘆大叔霸氣有型，「走在潮流尖端」，亦有網民留言不禁質疑大哥大手機現時還能使用？

東網記者登上淘寶網，發現有售同款大哥大，聲稱是「新款復古觸屏大哥大手機」，機身厚度約7厘米、容量32MB、可觸屏、超長待機且雙卡雙待，顏色可選金色或黑色，售價盛惠人民幣276元，折合約342港元。

網民有話說

Dorothy Cheung ：吓！！！依家呢個手機仲用到咩？？？係咪拍緊戲呀？？

Calvin So：近30年前的舊照...一定係，除非唔係...你呃我唔到嘅

Bun Lee：全身造型加埋電話簡直係perfect match

Chan Yiu Fai：喺(睇)佢一身嘅打扮就知佢走係潮流嘅尖端

Billy Cheung：實不相瞞，其實佢係一個鬚鉋(刨)。

※緊貼網民熱話，掌握最熱話題，請關注網民熱話fb：