企正路中心雙白線！長髮女截的士　嚇窒司機

失驚無神走出馬路中心已經奇怪，而原因竟然係為截的士，到底搞邊科？

近日Facebook群組「的士司機資訊網 Taxi」流傳一條片段，顯示星期三（16日）於亞皆老街近九龍醫院一帶，一名女子離奇出現在馬路中心，並伸手向的士示意截車，最終的士司機未有理會，揚長而去。

許多網民對片中女子所為相當詫異，表示「天橋截的士係咩玩法」，並向的士司機群組查詢「各位司機大佬會唔會停？」。有人回覆：「停嗰個都有病」，亦有人笑言：「咁樣先快人一步，理想達到」。

翻查該路段資料，可見附近位置設有路牌，標明「禁止行人、單車進入」，而根據《道路交通(交通管制)規例》，任何人不准在違反交通標誌指示的情況下橫過馬路，違者可處罰款港幣2,000元。

想知實況？馬上睇片！

---------------

《港呢啲》：大事小事騎呢事，東網嚴謹選題，輕鬆製作！