男子拉閘上車 再大鬧駕駛室 車長:整爛呀

20180518
東網電視
更多新聞短片
又揼軚盤又拉閘,黃衣男因乜咁躁?(設計圖片)
搭巴士唔畀錢仲要搶嚟揸?近日網上有片段顯示,一名男子在巴士司機位旁大搞破壞,一時扭軚、一時狂打軚盤,並一度咆哮,到底咩事?
片段於星期四(17日)發布於Facebook群組「巴士的事討論區」,事發於黃大仙一個巴士站,一名黃衣男子,在巴士司機位旁狂按位內儀器,期間車長不停呼喝:「夾硬扯我架車」、「佢依家係咁搞我架車呀」,但黃衣男無動於衷,繼續狂撳。
雖然他的撳掣速度愈來愈快,但巴士未有啟動跡象,黃衣男最終發出咆哮之聲,再狂揼巴士軚盤,繼而亂搖司機位圍欄。他最後走上巴士上層位置,不停喘氣。
九巴回應《港呢啲》查詢時指,事發於昨日(17日)傍晚6時半左右,一輛89B線巴士於黃大仙龍翔道近沙田坳道上落客,關門之際,一名男子強行扯開巴士尾閘,自行前往上層就座。
車長到上層提醒該男子需繳付車資,但他拒絕並走近駕駛室拍打八達通機及軚盤。車長已即時關掉引擎,通知公司及報警求助。事件中無人受傷。
至於警方回應指,事發當日接獲潘姓巴士司機致電999救助,經警員到場了解後,未有就事件拘捕涉事男子,只把男子在未有受傷的情況下送往伊利沙伯醫院檢查。
---------------
《港呢啲》:大事小事騎呢事,東網嚴謹選題,輕鬆製作!