政Whats噏︰掉轉校訓嚟讀　唐英年懵然不知

前政務務司長唐英年不嬲都多「金句」，出席活動致詞演講都試過唔少次「甩轆」。今日(19日)佢出席上海復旦大學香港校友會論壇又「再創新猷」，竟然將復旦校訓掉轉嚟讀，仲要懵然不知，真係?爆。

唐英年今日出席復旦大學香港校友會論壇，佢致詞時面向一幅掛有復旦校徽嘅旗幟，上面仲有該校校訓。唐英年想引用該校校訓，就將人哋由右向左寫嘅校訓「博學而篤志，切問而近思」掉轉咗嚟讀，結果變成「思近而問切，志篤而學博」。現場即時傳出一陣笑聲，不過唐英年冇即時更正，似乎唔知道自己已出了洋相。

唐英年過往多次喺公開場合失言，例如「昂坪360」纜車開幕時，將「昂坪360」中嘅「360」英文講成「三碌拎」，又試過出席立法會會議，將被迫搬遷嘅酒店住客形容為「條條揈喺街度」，真係貽笑大方。