政Whats噏:OK論解畫惹火 馬時亨再致歉

20180531
東網電視
更多新聞短片
馬時亨透過港鐵新聞稿再一次致歉。
廣深港高速鐵路和沙中線接連爆出工程出現問題,畀市民鬧爆。就連港鐵主席馬時亨嘅「OK論」都惹起爭議。馬時亨今日(31日)就透過港鐵新聞稿回應事件,就自己近日嘅言論可能引起公眾誤解,感到抱歉,強調港鐵會全力配合政府回應公眾對鐵路工程的關注。
有知情人士就話,其實馬時亨上周六(26日)嘅表現,大眾都知道並唔係佢一向嘅作風,事後佢以「天口㷫、冇祈禱」為事件解畫,已經係曲線承認失言。至於今次佢再就事件畀人誤會港鐵並非開誠布公而致歉,就係希望令事件可以降溫,「因為有人斷章取義,其實根本唔係咁意思。」
今次風波緣於高鐵試運行期間被揭發多宗事故,馬時亨拒絕透露更多資料,仲話「我哋話畀你聽OK就得」。馬時亨之後為言論解畫,但稱「唔知係咪天口㷫、朝早無祈禱」。