政Whats噏:自決派失光環 撐唔起李鳳琼

20180611
東網電視
更多新聞短片
劉小麗(左二)及羅冠聰(右一)昨日都有現身支持李鳳琼(右二)。
東區區議會佳曉選區補選結果今日(11日)凌晨揭盅,由孭民建聯及工聯會「雙牌頭」嘅植潔鈴以2268票當選,大比數拋離民主派社福界選委李鳳琼。尋日(10日)植、李兩人嘅助選團都「星光熠熠」,其中李鳳琼更獲得多名自決派人士現身撐場,包括劉小麗及香港眾志羅冠聰、周庭等,希望可以取得民主派立法會議員區諾軒嘅「基本盤」。可惜結果足證,自決派已失光環,民主派嘅如意算盤經已打不響。
尋晚點票前民主派已鬆口聲稱「打定輸數」、「輸少當贏」,又話取得近千票已是「雖敗猶榮」。有泛民中人透露,突如其來嘅補選,民主派最初未有人選出戰,勸得李鳳琼「獻身」都只係試圖破釜沉舟,根本就知「無得贏」。而今次補選嘅總投票率高達49.35%,較換屆選舉為高,理應有利民主派,但亦無濟於事。有分析指,李鳳琼本身嘅「政治魅力」不足,而且佢又不善於應對外界,說話「論盡」,難免有些許力有不逮。
不過,民主派仍極力支持李鳳琼,區諾軒今早更發貼分析結果,稱佳曉區長期無民主派參選,李鳳琼所得嘅1302票係勤力落區耕耘回來,再加上植潔鈴係第二次參選,用咗十幾年先攻陷佳曉嘅堡壘,強調有針對性部署、配合科學化分析、勤奮社區,仍可一戰。